Target-ийн орлого 1-р улиралд 4 хувиар өсөж $25.2 тэрбум хүрсэн. Гэхдээ ашиг нь буурч, хувьцааны ханш нь 25%-иар унажээ.

Канадын инфляцын түвшин 4-р сард дахин өсөн 6.8 хувь хүрлээ. Өнгөрсөн сард хүнсний үнэ 9.7 хувиар өссөн байна.

Google-ийн ОХУ дахь салбар нэгж дампуурал зарлах хүсэлтээ гаргажээ. Харин Youtube-ийг хориглох төлөвлөгөөгүй байгаа гэж ОХУ мэдэгдэв.

Европын Холбоо ОХУ-ын газрын тос, байгалийн хийнээс хараат бус болохын тулд 2030 он хүртэл 300 тэрбум еврогийн хөрөнгө оруулна гэв.

АНУ, Европын хувьцааны зах зээлийн үзүүлэлтүүд буурлаа. ХНБ инфляцыг хязгаарлахын тулд мөнгөний бодлогоо чангаруулахаас буцахгүй гэв.

Walmart-ийн ашиг нэгдүгээр улиралд 25 хувиар буурч $2.05 тэрбум болжээ. Мөн тус компани энэ оны ашгийн таамгаа бууруулсан байна.

ОХУ-ын бордоо үйлдвэрлэгч нар Барууны хоригийг үл харгалзан гэрээний үүргээ биелүүлэхээр хичээж байгаа Кремлийн зүгээс мэдэгдлээ.

Евро бүсийн эдийн засаг 1-р улиралд өмнөх оноос 5.1 хувиар өслөө. Энэ нь шинжээчдийн таамгаас давсан сайн үзүүлэлт болсон.

Их Британийн ажилгүйдлийн түвшин нэгдүгээр улиралд 3.7 хувь болж буурсан нь 1974 оноос хойш доод түвшин боллоо.

Их Британи, Францын ажилгүйдлийн түвшин буурсан нь эдийн засгийн сэргэлт сайн байгааг илэрхийлж байна гэж шинжээчид үзэж байна.

Финландын эрчим хүчний 10 орчим хувийг ОХУ хангадаг. Иймд энэ хэрэгцээг Швед болон дотоодын үйлдвэрлэлээрээ орлуулахаар зорьж байна.

Евро бүсийн худалдааны тэнцэл 3-р сард 16.4 тэрбум еврогийн алдагдалтай гарсан. Эрчим хүчний импортын үнэ өссөн нь голлон нөлөөлсөн байна.